کھیل


آئی سی سی نے نئی رینکنگ جاری کردی ،پاکستان کی زبردست پوزیشن

دبئی ( این این آئی) انٹرنیشنل کرکٹ کونسل نے نئی ٹی ٹونٹی رینکنگ جاری کردی جس میں پاکستانی لیفٹ آرم اسپن بولر عماد وسیم نے اپنی پہلی پوزیشن برقرار رکھی ہے۔ آئی سی سی کی نئی رینکنگ کے مطابق پاکستان کے بولر عماد وسیم 742 پوائنٹس کے ساتھ بہترین بولر قرار پائے ہیں جبکہ بھارتی گیند باز جسپریت بھمرا ایک درجہ ترقی کے ساتھ دوسرے اور جنوبی افریقہ کے عمران طاہر 719 پوائنٹس کے ساتھ تیسرے نمبر پر ہیں

۔بلے بازوں کی فہرست میں بھارتی کپتان ویرات کوہلی 826 پوائنٹس کے ساتھ سرفہرست ہیں، آسٹریلوی بلے باز ایرن فنچ 787 اور این لیوس 780 پوائنٹس کے ساتھ دوسری اور تیسری پوزیشن پر ہیں۔ پاکستان کے نوجوان اسٹار بلے باز بابراعظم 21 درجہ ترقی پاکر چھٹی پوزیشن پر پہنچ چکے ہیں اور یہ ان کے کیرئیر کی بہترین رینکنگ ہے۔ٹیموں کی رینکنگ میں نیوزی لینڈ پہلے، پاکستان دوسرے اور ویسٹ انڈیز تیسرے نمبر ہیں۔

اوپر