شوبز

تاریخ میں پہلی بار کس پاکستانی اداکار نے اعلیٰ ترین ’’ایمی ایوارڈ‘‘ اپنے نام کر لیا؟

نیویارک (مانیٹرنگ ڈیسک) معروف پاکستانی نژاد برطانوی اداکار ریز احمد نے ایمی ایوارڈ اپنے نام کرلیا ہے۔ ان کو یہ ایوارڈ ٹیلی ویژن مووی دا نائٹ آف میں بہترین اداکاری کی کیٹیگری میں دیا گیا ہے۔متعلقہ کیٹیگری میں ان کے مقابل بینی ڈکٹ ، رابرٹ ڈی نیرو اور ایوان میک گریگر تھے۔

ایوارڈ جیتنے کے بعد انہوں نے ساتھی اداکاروں کا شکریہ ادا کیا اور کہا کہ ان کے تجربہ تمام ساتھی اداکاروں کے ساتھ قریب سے کام کرنے کا بہت اچھا رہا ہےاور وہ اپنا یہ ایوارڈ بھی ان کے نام کرتے ہیں۔بعدازاں صحافیوں سے بات چیت کرتے ہوئے انہوں نے فلموں میں مزید کردار متعارف کروانے پر زور دیا ۔ اس موقعے پر انہوں نے برطانوی اداکار ایڈ سکرین کی اداکاری کو بھی سراہا اور کہا کہ یہ ان کیلئے کافی پرکشش تھی۔سٹریمنگ سروس ہولو کی ڈرامہ سیریز ’دا ہینڈمیڈز ٹیل‘ نے رواں برس کے ایمی ایوارڈز میں سب سے اہم اعزازات میں سے چار اعزاز حاصل کر لیے ہیں۔ایمی کو ٹی وی انڈسٹری کا آسکرز کہا جاتا ہے اور اتوار کو 69ویں ایمی ایوارڈز میں ‘ہینڈمیڈز ٹیل کو بہترین ڈراما سیریز قرار دیا گیا جبکہ اس کے ہدایتکار ریڈ مورانو کو بہترین ہدایتکار، الزبتھ موس کو بہترین اداکارہ اور این ڈوڈ کو بہترین معاون اداکارہ کے لیے ایوارڈز ملے۔پروڈیوسر بروس ملر نے اس سیریز کی مصنفہ مارگریٹ ایٹوڈ کا شکریہ ادا کرتے ہوئے کہا کہ ‘انھوں نے یہ دنیا ہمارے لیے تیار کی ہے۔رض (رضوان) احمد کو لمیٹڈ سیریز یا فلم ‘دا نائٹ آف کے لیے بہترین اداکار کا ایوارڈ دیا گیا۔ ان کا تعلق برطانیہ سے ہے۔ برطانیہ کے ہی چارلی بروکر کو نیٹ فلکس کے پروگرام ‘بلیک مرر کے لیے بہترین لکھاری کا ایوارڈ ملا۔جبکہ بہترین ٹیلی فلم کا ایوارڈ ‘سین جونیپریو کو ملا۔ بروکر نے کہا کہ ‘یہ محبت کی کہانی ہے اور محبت نفرت کو ہرائے گی اور فتح یاب ہوگی۔

اوپر