اہم خبریں


’’پہلے اپنا گھر ٹھیک کرنا چاہئے‘‘وفاقی وزراء کے بیانات کا اصل مقصد کیا ہے؟افسوسناک انکشاف

کراچی(این این آئی)معروف سینئر سیاستدان اورسابق مندوب اقوام متحدہ برا ئے پاکستان حسین عبداللہ ہارون نے چوہدری نثار کے موقف کی حمایت کرتے ہوئے کہا ہے کہ سابق وزیر داخلہ کا بیان جس میں انہوں نے وزیر اعظم اور خارجہ پالیسی پر سخت تنقید کی ہے وہ صحیح راہ پر ہیں۔

اور جو بیانات دیئے گئے ہیں ان سے ملک دشمن قوتوں کو فائدہ پہنچے گا۔انہوں نے کہا کہ میں چوہدری نثار کے ساتھ اپنی آواز ملا کر کہنا چاہوں گا کہ بالکل غلط وقت پر غلط بیانات دیئے گئے ہیں جو پاکستان کی سلامتی کیخلاف ہیں اور دشمن ممالک کی تائید ہیں ۔پاکستان کے ساتھ ذاتی جھگڑوں کو اقوام متحدہ لیجایا گیا ہے اور کرنے والے یہ نہیں سوچ پا رہے کہ وہ ملک دشمنی کا اظہار کر رہے ہیں۔حسین عبداللہ ہارون نے کہا کہ ہم خود اپنے بیانات اور رویوں کی وجہ سے اپنے پیچھے پڑے ہیں، ہم خود بیرونی طاقتوں کو موقع دیتے ہیں کہ وہ ہمارا مذاق اڑائیں اور اپنی ناکامیوں کا بوجھ بھی ہم پر ڈال دیں۔ یہ پاکستان کی قومی اسمبلی میں تقریر نہیں ہوئی ہے کہ بے معنی ہوں ۔یہ عالمی فورم میں ہم پاکستان کے گلے میں پھندہ ڈال رہے ہیں ۔جو ہمارے مخالفین کی خواہش ہے ۔ انہوں نے کہا کہ خدارا اب بھی سیکھ لو کہ یہ سلسلہ یہاں رک جائے۔اور جو کچھ کرنا ہے ہمت سے پاکستان میں رہ کر کریں۔باہر کی طاقتوں کا سہارا مہنگا پڑتا ہے ۔دشمنوں کے ساتھ آواز ملانا ملکی مفادات کیخلاف ہے۔

اوپر